په جرمني کې ډېر په زړه پورې څېړنيز بنسټونه شته. که غواړئ په جرمني کې څېړنه وکړئ خو لا هم له جرمني او اروپايي ټولنې د باندې اوسئ، بايد جرمني ته د راتګ لپاره ويزه او بيا د استوګنې قانون د ۱۸ د مادې له مخې د څېړنې لپاره د استوګنې اجازه ترلاسه کړئ.
د څېړنې لپاره د جرمني ويزې ترلاسه کولو لپاره بايد لاندې شرطونه پوره کړئ:
· له يوې څېړنيزې ادارې څخه يو منلليک (Aufnahmevereinbarung) چې د بمف (BAMF) له لوري تايید شوی وي. د بمف له لوري د پېژندل شوو څېړنيزو بنسټونو لېست پر (bamf.de) وېبسایټ موندلای شئ.
· اړونده څېړنيزه پروژه په عمل کې روانه وي.
· ستاسې مسلکي مهارتونه او تخصص د بېلګې په شان د سندونو په وسيله د تاييد وړ وي.
· د اصولو له مخې بايد اړوند څېړنيز بنسټ په ليکلي ډول ستاسې د ژوند د لګښتونو ورکولو او همدا شان د ممکنه ډیپورټ او يا غيرقانوني اوسېدو د لګښتونو ورکولو تضمين وکړي.
د څېړنې لپاره د جرمني ويزې ترلاسه کولو لپاره بايد لاندې شرطونه پوره کړئ:
· له يوې څېړنيزې ادارې څخه يو منلليک (Aufnahmevereinbarung) چې د بمف (BAMF) له لوري تايید شوی وي. د بمف له لوري د پېژندل شوو څېړنيزو بنسټونو لېست پر (bamf.de) وېبسایټ موندلای شئ.
· اړونده څېړنيزه پروژه په عمل کې روانه وي.
· ستاسې مسلکي مهارتونه او تخصص د بېلګې په شان د سندونو په وسيله د تاييد وړ وي.
· د اصولو له مخې بايد اړوند څېړنيز بنسټ په ليکلي ډول ستاسې د ژوند د لګښتونو ورکولو او همدا شان د ممکنه ډیپورټ او يا غيرقانوني اوسېدو د لګښتونو ورکولو تضمين وکړي.
که د جرمني ويزې ته اړتيا لرئ، بايد خپل هېواد يا سيمه کې د جرمني سفارت يا کنسولګرۍ سره وخت واخلئ او د ورتګ پر مهال اړين سندونه له ځان سره يوسئ. په ياد مو وي چې د ويزې ترلاسه کول ښايي ډېر وخت ونيسي.
که ويزې ته اړتيا نه لرئ، جرمني ته له راتګ وروسته بايد د بهرنيانو چارو په اړونده اداره (Ausländerbehörde) کې د څېړنې لپاره د استوګنې د اجازې غوښتنه وکړئ.
دا چې د کومو هېوادونو وګړي جرمني ته د تګ لپاره ويزې ته اړتيا لري، د جرمني د بهرنيو چارو وزارت پر وېبسایټ (auswaertiges-amt.de) يې کتلای شئ.
زموږ په بل څپرکي (د جرمني اوږدمهاله ويزه) کې د ټولو هغو سندونو لړ موندلای شئ چې د جرمني د ويزې ترلاسه کولو لپاره ورته اړتيا ده.
د څېړنې لپاره د ويزې ترلاسه کولو لپاره لاندې اضافي سندونه هم بايد ولرئ:
· له يوې څېړنيزې ادارې څخه يو منلليک (Aufnahmevereinbarung) چې د بمف (BAMF) له لوري تايید شوی وي. د بمف له لوري د پېژندل شوو څېړنيزو بنسټونو لېست پر (bamf.de) وېبسایټ موندلای شئ.
· د څېړنيز بنسټ له لوري داسې يو تاييدليک چې ښيي دا پروژه رښتيا هم ترسره کيږي.
· د ځانګړو مهارتونو او علمي سندونو ثبوت.
· د څېړنيز بنسټ له لوري ستاسې د ټولو لګښتونو د ورکړې تضمينليک (Verpflichtungserklärung).
جرمني ته له راتګ وروسته بايد د دريو مياشتو په موده کې د بهرنيانو چارو په اړونده اداره (Ausländerbehörde) کې ځان ثبت کړئ او د استوګنې د اجازې غوښتنه وکړئ. د دې کار لپاره بايد د پورته يادو شوو سندونو تر څنګ، په جرمني کې د ثبت او کرايي کور د سندونو په ګډون ټول سندونه له ځان سره ولرئ. په ياد مو وي چې د دې ادارې کارکوونکي ستاسې غوښتنه ارزوي او دا ارزونه ښايي څو مياشتې وخت ونيسي.
په جرمني کې د څېړنې لپاره د لږترلږه يو کال لپاره د پاته کېدو اجازه لرئ. که بيا هم اړين شرطونه پوره کړئ، د استوګنې د اجازې وخت مو غځول کيږي.
په څېړنيز بنسټ کې د کارونو له پای ته رسېدو وروسته کولای شئ په جرمني کې د کار د لټون لپاره د استوګنې اجازې غوښتنه وکړئ. د څېړونکو لپاره د دې اجازې موده ۹ مياشتې ده او له خپلې اړونده اوسلنډربېهورده ادارې څخه يې ترلاسه کولای شئ.
د کار په اړه نور مالومات زموږ په نورو مالوماتي څپرکيو (د کار تړون) او (د کارکوونکو حقونه) کې موندلای شئ.
په جرمني کې د کار تړون يا قراراداد
د يوې دندې موندل ښايي تاسې ستړي کړي خو هغه شېبه په زړه پورې وي چې د خپلې خوښې دندې لپاره د هو ځواب ترلاسه کړئ. مخکې له دې چې کار پیل کړئ، بايد د کار تړون په غور ولولئ او ځان پرې وپوهوئ.
په جرمني کې د کار لټولو ويزه
په جرمني کې ډېر شرکتونه د ماهرو کارکوونکو په لټه کې دي. که څوک د يوې دندې لپاره اړين سندونه او وړتيا ولري، ښايي په جرمني کې کار ومومي او ژوند وکړي. البته له بهر څخه په جرمني کې د کار لټون اسان نه دی. د دې کار لپاره د استوګنې قانون د ۲۰مې مادې له مخې، هغو کسانو ته ويزه ورکول کيږي له درېيمو هېوادونو څخه د جرمني ته د کار د لټولو لپاره راځي. له دې ويزې په قانوني ډول جرمني ته راتلای شئ او دلته د ځان لپاره يو مناسب کار يا دنده موندلای شئ. په دې څپرکي کې د دې ويزې ترلاسه کولو په اړه بشپړ مالومات درکوو.
د کار موندل او غوښتنه
په جرمني کې د کار مارکېټ بېلابېل قوانين او مقررات لري. د دې تر څنګ تاسې هم بايد د دندې ترلاسه کولو لپاره ځينې شرايط پوره کړئ. ډېر ګمارونکي خپل کارکوونکي په خپله څانګه کې د هغوی د سندونو او مدارکو له مخې غوره کوي خو له اړونده سندونو پرته هم د دندې پيدا کولو چانس شته.
دلته به تاسې د دندې ترلاسه کولو لپاره د ضروري ګامونو په اړه مالومات ترلاسه کړئ او په هغو لارو چارو به وپوهېږئ چې د دندې ترلاسه کولو لپاره ستاسې چانس زياتوي.
لاندې ټکي بايد مخکې له مخکې په ياد ولرئ:
- د جرمني په ډېرو کمپنيو کې په جرمني ژبه خبرې کيږي. ځينې وخت انګليسي ژبه هم کارول کيږي خو په ډېری دندو کې تاسې اړ ياست چې په جرمني ژبه خبرې اترې وکړئ. د جرمني ژبې د زده کولو لپاره ډېرې لارې شته. په دې اړه ډېر مالومات زموږ د ژبو د زدهکړې په څپرکيو کې وګورئ.
- په جرمني کې د کار له پیل وړاندې د کار اجازې ته اړتيا ده. د پنا غوښتونکو د کار اجازې په اړه نور مالومات زموږ د کار اجازې په څپرکي کې ولولئ. د مهاجرو او د کار لپاره راغلو کسانو د کار اجازه د هغوی د استوګنې له اجازه سره تړلې ده. په ويزه راغلو کسانو او نورو کډوالو لپاره د کار اجازې مالومات زموږ په بل څپرکي (جرمني ته مهاجرت) کې ولولئ.
د جرمني ملي ويزه (Nationales Visum Typ D)
د درېيمو هېوادونو (Drittstaaten) هغه اوسېدونکي چې غواړي په جرمني کې له درې مياشتو زيات پاته شي او يا دلته کار وکړي، بايد اوږدمهاله ويزه ترلاسه کړي. د اروپايي ټولنې د غړو هېوادونو، استرالیا، اسرائيل، جاپان،کاناډا،نوی زيلاند،د کوریا جمهوریت، انګلستان او شمالي ایرلند او د امریکا متحده ایالاتونو له اتباعو پرته د نورو ټولو هېوادونو وګړي، په جرمني کې د زيات وخت پاته کېدو لپاره اړ دي څو دا ډول ويزه ترلاسه کړي. دې اوږدمهاله ويزې ته (Nationales Visum Typ D) وايي.
هغه کسان چې غواړي جرمني ته له درې مياشتو د کم وخت لپاره راشي، کولای شي يو بل د ليدلو يا ګرځندوی ويزه ترلاسه کړي. په دې اړه نور مالومات زموږ په بل مالوماتي څپرکي (د ليدلو ويزه) کې لوستلای شئ.
په جرمني کې د دايمي استوګنې اجازه
کولی شم په جرمني کې د دايمي استوګنې اجازه ترلاسه کړم؟
د دايمي استوګنې اجازه (Niederlassungserlaubnis) يا (unbefristete Aufenthaltserlaubnis) په جرمني کې د نامحدودې مودې لپاره د ژوند کولو اجازه ده. د استوګنې د اجازې د نورو ډولونو پر خلاف، دا اجازه د تل لپاره معتبره ده او نوي کولو ته اړتيا نه لري. د دې اجازې په وسيله کولای شئ په جرمني کې له محدوديت پرته کار وکړئ.
د دايمي استوګنې د اجازې ترلاسه کولو لپاره بايد لاندې شرطونه پوره کړئ:
- له لږ تر لږه ۵ کالونو راهیسې په جرمني کې د ژوند کولو اجازه لرئ.
- د خپل ځان او کورنۍ د ژوند لګښتونه خپله برابرولای شئ. په بله وينا، له جابسنټر يا سوسيال څخه مرسته نه ترلاسه کوئ. د ماشومانو پيسې يا کينډرګېلډ او د میندو او پلرونو پيسې يا اېلټرنګېلد له دې څخه استثنا دي او ستاسې حالت نه اغېزمنوي.
- د جرمني ژبې د (B1) په کچه خبرې کول او د اړوند سند درلودل بل شرط دی.
- د لږ تر لږه ۶۰ مياشتو لپاره مو د تقاعد د بيمې ونډه ورکړې وي. د دې ونډې اندازه مهمه نه ده. د تقاعد د بيمې په اړه بشپړ مالومات زموږ په بل څپرکي (په جرمني کې د تقاعد بيمه) کې ولولئ.
- د ځان او کورنۍ د غړو لپاره د اوسېدو د کافي ځای درلودل بل شرط دی. د کور د مساحت اندازه هم په هر ايالت کې توپير کوي. د ډېرو مالوماتو لپاره د خپلې سيمې اوسلنډربېهورده ادارې او يا يوه نږدې مشورتي مرکز ته ورشئ.
- د کار اجازه لرئ.
- په برياليتوب د بلدتيا (Orientierungskurs) کورس بشپړول هم له دې شرطونو يو دی. په دې اړه نور مالومات زموږ په بل څپرکي (انټګراڅيون کورسونه) کې لوستلای شئ.
- بايد کومه جرمي سابقه ونه لرئ. د وړو جرمونو لپاره د ۹۰ ورځو د عايد په اندازه جريمه او تر درېيو مياشتو ځنډول شوې جزاوې ښایي ستاسې حالت اغېزمن نه کړي.
البته د ځينو کسانو لپاره ښايي د دايمي استوګنې اجازې ترلاسه کول اسانه وي.
د جرمني د ويزې ترلاسه کولو د شرطونو په اړه دلته بشپړ مالومات موندلای شئ.